पुणे : दिल्ली येथील नॅशनल फेडरेशन ह्युमन राईट कौन्सिलच्या सामाजिक न्याय विभागाच्या पश्चिम महाराष्ट्र सचिवपदी पुण्यातील शशिकांत कांबळे यांची नियुक्ती करण्यात आली आहे. हाती घेतलेले काम तडीस जाईपर्यंत पाठपुरावा करण्याचे त्यांचे कौशल्य लक्षात घेऊन त्यांची नियुक्ती करण्यात आली आहे.
केंद्र व राज्य सरकारच्या मदतीने गुन्हेगारी आणि भ्रष्टाचार नियंत्रण यासह बनावट चलन, मानवी तस्करी, बाल कामगारी रोखण्यासाठी प्रयत्न करण्याची जबाबदारी त्यांच्यावर असणार आहे. एखाद्या प्रकरणाचा शोध घेऊन त्याबाबतची माहिती कौन्सिलला पुरविण्याचीही जबाबदारी असणार आहे.
या निवडीबद्दल आनंद व्यक्त करताना कांबळे म्हणाले, ‘या निवडीमुळे माझ्यावरील जबाबदारी वाढली आहे. बालहक्क, कामगार हक्क, महिला हक्क, शैक्षणिक हक्क, मूलभूत हक्क, अपंगत्व अधिकार, ग्राहकांचे हक्क जेष्ठ नागरिकांचे हक्क, माहितीचा अधिकार याचे महत्त्व अबाधीत राखण्यासाठी माझा प्रयत्न राहील.’